ابن الحلال

من هو ابن الحلال؟ وكيف نشأ؟ ومن ربّاه؟

!لايهم، المهم أنها تقال للجميع بما فيهم البليد و العريس

:أما في عائلتي فإنها تقال بشكل غير طبيعيّ، فمثلاً

خالتي لخاتي الكبيرة: والله إجا واحد ابن حلال وطلب ايد البنت، باين عليه مريش ومرتاح والله رازقه ومعطيه

عمتي لما تكون تحكي عن حدا ويجي: ابن الحلال عند ذكره ببان

مرت عمي لواحد من ولادها: يا ابن الحلال… أوف خلصني روح اشترى لبن بدال ما انت مكرسح في الدار  ولك حرّك رجليك

عمي اذا حد ساعدوا في شغلة – وما كان متوقع-: الله يعطيك العافية، طلعت ابن حلال

أبوي بحكي مع شركة الثلاجات: شو يا ابن الحلال وقتيش الثلاجة بدها تيجي باين إنها طولت في الشركة؟

صاحب للعائلة بتناقش عن أمور التجارة: شفت إنك ابن حلال، دايما بتحسبها صح

واحد من العائلة بشكي لأبوي في همه: يا ابن الحلال والله بس بقبضوني ميشكيل (100شيقل) في الأسبوع، شو هالشغلة هاذي

إمي لما تكون في محل الأحذية: يا ابن الحلال رخص شوي، والله غالي كثير، ما انتا شايف المصاري عالكد والشغل يدوب ماشي في البلد

في حال صار صراعات وحروب دموية في العائلة: اهدا شوي يا ابن الحلال… الشغلة مش مستاهلة

،أما ما حدث معي فإنه مختلف جدا و لا ينتمي لما سبق عندها كنت في السابعة تقريبا من عمري

أكبر ابن عم في العائلة بحكي معي: يا بنت الحلال ممكن تبعدي شوي؟

…طبعا دوري الآن

عصبت أنا عالآخر وفكرت كلمة (بنت الحلال) من المسّبات(الشتائم) فصرّخت: إنت ابن الحلال، ماشي! وبعدين بديش أبعد

.طبعا العائلة بما فيها الكل انفجر من الضحك حتى الكراسي ضحكت لدرجة أنها أوقعت من عليها

***

 

OH NO! I do want to comment AGAIN!

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s